Vi oppgraderer systema våre!

Frist for å utføre betalingar til utlandet er onsdag 07.06 kl. 08:00. Betalingar som er lagde med forfall etter denne dato, må leggjast inn på nytt etter 12.06.

Du treng ikkje gjere nokon endringar på di side i samband med oppgraderinga vår. Dette blir handtert av banken og ERP-leverandøren. Løysinga for direkte bankintegrasjon vil vere utilgjengeleg i perioden torsdag 08.06 kl. 14.00 til måndag 12.06 kl. 08.00. Du kan ikkje sende inn betalingar med forfall etter torsdag 08.06 via dagens system. Desse betalingane blir ikkje utførte, og må sendast inn på nytt etter måndag 12.06.

Unnataket er dersom du nyttar eit Visma system. Her vil betalingane med forfall etter 08.06 bli halde tilbake av Visma, og sendt til bank fyrst etter migrering.

Sender du betalingar på fil i nettbanken, er det viktig at kritiske betalingar blir gjorde før torsdag 08.06 kl. 14.00. Du kan ikkje sende inn betalingar med forfall etter torsdag 08.06 via dagens system. Desse betalingane blir ikkje utførte, og må sendast inn på nytt etter måndag 12.06.

Det vil ikkje vere mogleg å betale ut løn i perioden 09.06-12.06. Absolutt siste frist for lønskøyring er torsdag 08.06 kl. 14:00. Dersom det er planlagt lønsutbetalingar i den nemnde perioden, må dette gjerast i forkant av denne fristen.

Historiske filer som du i dag finn i nettbanken, vil ikkje vere tilgjengelege i den nye nettbanken. Pass derfor på at du har lasta ned alle filene du treng til avrekningsretur og innbetalingsfiler for oppdatering av rekneskapen. 

Kundar som hentar bankavstemmingsfiler i nettbank bedrift, må lage og hente ut filer for transaksjonar som er gjorde fram til 09.06, før nettbanken stengjer fredag 09.06 kl. 14.00.

I ny nettbank bedrift vil det berre vere mogleg å lage bankavstemmingsfiler for transaksjonar frå  12.06 utover. Kundar med direkte bankintegrasjon får filene sine levert dagleg og treng ikkje gjere noko.

Det er ikkje mogleg å gjere endringar eller opprette AvtaleGiro i perioden 08.06 til 12.06. AvtaleGiro som er godkjend og ligg til forfall, treng du ikkje tenkje på, men du kan ikkje gjere endringar på avtalar, slette avtalen eller opprette nye i perioden.

Lønslister må leggjast inn på nytt i den nye nettbanken. Ta gjerne eit skjermbilde av lønslista i dag, så du enkelt kan registrere henne på nytt. 

Nett- og mobilbanken vil vere utilgjengeleg frå fredag 09.06 kl. 14.00 til og med søndag 11.06. Måndag 12.06 vil du oppleve ein ny nett- og mobilbank med nye og forbetra funksjonar. 

Vi kan ikkje lenger tilby deg å ta imot eFaktura B2C i nettbank for bedrift. Vi tilrår heller at du inngår ein avtale om EHF. Ta kontakt med oss, så hjelper vi deg i gang. 

Du vil finne vedlegg og kontoutskrifter tilbake i tid i ny nettbank, men det kan vere vi bruker noko tid på flytting av data. Dersom du treng filer og kontoutskrifter for å avstemme rekneskapen er det viktig at du tek ut det du treng før konverteringa.

Det kan hende at sjølvvalde kontonamn ikkje blir synleg i ny nettbank, men dersom det er fleire kontonamn på ein konto, så vil det lengste kontonamnet bli med over. Ta gjerne skjermbilete av kontonamn, spesielle bedrifter med mange kontoar. Har bedrifta spesialteikn i kontonamnet vil det ikkje bli synleg i ny nettbank.