Vi oppgraderer systema våre!

Nettbanken vil vere utilgjengeleg frå fredag 09.06 kl. 14.00 til og med søndag 11.06. Måndag 12.06 vil du oppleve ein ny nettbank med nye og forbetra funksjonar. 

Mobil- og nettbanken for mindreårige vil vere utilgjengeleg i nokre få dagar etter oppgraderinga. Verje vil ha tilgang til konto frå den mobile og- nettbanken sin. 

Den mindreårige vil ha fullt innsyn i dei kontoane dei har disposisjonsrett på. Dersom barnet manglar oversikt over nokre kontoar, kan du kontakte banken for å justere kva barnet har innsyn i. 

Hugs å sjekke innstillingane for netthandel og regionsperre for ungdomskort over 13 år. Sjekk også sumsgrenser for barn- og ungdomskort. Desse innstillingane kan vere endra etter oppgraderinga. Som føresett kan du sjølv gå inn i mobil- og nettbanken og endre grensene for kortet til barnet ditt. 

Vipps vil fungere som normal med betaling for alle kundar. Merk at saldo i Vipps kan vere litt seinka i helga.

Betalingar og overføringar frå mobil- og nettbanken som er godkjende og ligg til forfall to år fram i tid, vil bli viste i den nye nettbanken.
Dersom fakturaen har forfall anten 09, 10 eller 11. juni, vil han bli betalt 12. juni. Du treng ikkje gjere nokon endringar på dato. 

Lån som har forfall i helga, vil også bli betalte måndag. Dersom du gjer endringar på avtalen no, kan du kan risikere å bli trekt to gonger. 

Det er ikkje mogleg å gjere endringar eller opprette AvtaleGiro i perioden 08.06 - 12.06. AvtaleGiro som er godkjend og ligg til forfall, treng du ikkje tenkje på, men du kan ikkje gjere endringar på avtalar, slette avtalen eller opprette nye i perioden.

Kontantuttak og innskot i kontantautomatar vil vere ustabilt i perioden.
Kontantuttak og innskot i butikkar er ustabilt fredag 09.06 kl.18:00 til mandag 12.06. 

Dersom du treng å ta ut eller setje inn kontantar, tilrår vi at du gjer dette i forkant av denne perioden.

Har du kredittkort eller er i utlandet, vil det fungere å ta ut kontantar som normalt.

Frist for å utføre betalingar til utlandet er onsdag 07.06 kl. 08.00. Betalingar som er lagde med forfall etter denne datoen, må leggjast inn på nytt etter 12.06. 

For kundar som har bustadlån gjennom Eika bustadkreditt, vil modellen for utrekning av renter bli endra. Den tidlegare modellen reknar ut renter likt kvar månad uavhengig av kor mange dagar det er i månaden. Frå 12.06.2023 vil renter bli rekna per kalenderdag. Dette vil seie at du som kunde vil oppleve renteutrekningar som varierer marginalt frå månad til månad. Den totale årlege effektive renta vil vere uendra. 

Etter oppgraderinga vil det vere nye beløpsgrenser for betalingar i mobil- og nettbanken. Beløpsgrensene har tidlegare vore per transaksjon, men vil frå no av vere per kalendermånad. Du kan sjå og justere grensene i mobil- og nettbanken din, og vi oppmodar deg om å justere grensene til eit høgare nivå slik at betalinga blir gjennomført. Dersom grensene ikkje blir justerte, vil du oppleve å få feilmelding dersom betalinga overskrid grensene.

Framover vil fast forfallsdato vere den 30. kvar månad. Dersom du har valt at lånet skal trekkjast på siste dag i månaden, vil det tyde at lånet blir trekt den 30. kvar månad framover (i februar blir det den 28.). 

I den nye nettbanken vil det ikkje vere mogleg å godkjenne eFakturaer for ein annan nettbankbrukar, slik det har vore i den tidlegare nettbanken. Vi jobbar med å få på plass ei fullmaktsløysing så snart som mogleg, men det er førebels uvisst når dette kjem på plass.

Det er ikkje mogeleg å bli kunde via nettsida i denne perioden. Dersom du ønskjer å opprette eit kundeforhold med oss, kan du kontakte banken direkte. 

BSUkontoar vil få ein posteringstekst som siger «flyttet fra annen bank» Dette har inga tyding for oppsparing, saldo eller renter. Det er kun ei teknisk tyding fordi kjernesystema er bytet ut. 

Telefonbanken er utilgjengeleg i helgen 09.06 - 12.06. Dersom du ringjer telefonbanken etter kl. 14:00, vil du få melding om at det ikkje finst ein telebankavtale. Dette er på grunn av at systema ikkje er tilgjengeleg mens oppgraderinga varar. Frå måndag 12.06 vil du få ein ny meny når du ringjer til telefonbanken. 

BankID vil fungere som normalt heile helga for signering av betalingar og innloggingar på ulike sider og tenester, men det vil ikkje vere mogleg å endre passord eller opne brikka dersom ho har blitt sperra. Du kan ikkje logge inn i mobil- eller nettbank i helga på grunn av systemoppgradering, men det er ikkje på grunn av BankID.

Du kan betale som normalt i butikk og på nettet med både det vanlege bankkortet og kredittkortet. Du kan også bruke vipps som normalt. Les meir om korleis Vipps blir påverka, her.

Etter helga kan det ta opptil tre arbeidsdagar før saldoen er oppdatert i mobil- og nettbanken og i Vipps. Dette gjeld dersom du har brukt kortet ditt i løpet av helga. Då tek det litt tid før vi får inn transaksjonane og får postert dei på kontoen din. 

Dersom du meiner det ikkje stemmer måndag føremiddag, så gje det litt tid og sjekk igjen litt seinare. 

Har du tidlegare sett på sperre for netthandel på bankkortet, er det viktig at du skrur på dette igjen i den nye nettbanken. 

Det gjer du enkelt slik: 

• Logg inn i mobil- eller nettbanken.
• Vel «Kort» i menyen, og klikk på det kortet du ønskjer å endre sperre på. 
• Vel «Regionsperre og bruk» under «Om kortet», og vel «Nei» på «Vil du at kortet kan brukast til netthandel?».

Dersom du har hatt regionsperre på bankkortet ditt, er det viktig at du set på denne igjen i ny nettbank. Du kan sjølv velje kva for regionar du ønskjer å ha som standard for ditt kort. Hugs å endre sperra dersom du skal ut og reise, og skru henne på igjen etter du har kome heim. 

Slik endrar du:

• Opne mobil- eller nettbanken.
• Vel «Kort» i menyen og klikk på det kortet du ønskjer å endre sperrer på.
• Vel «Regionsperre og bruk» og vel kva for regionar du ønskjer å sperre for bruk. 

Du kan betale med Google Pay, Fitbit Pay, Garmin Pay som normalt. Dette gjeld også appar og strøymetenester der du har lagt inn kortet. Døme kan vere parkeringsappar, Netflix, Spotify og Ruter. 

Det vil ikkje vere mogleg å slette eller leggje til kort i løpet av helga. Innlegging av kort i appar inkludert Vipps kan vere ustabilt måndag 12.06.

I ny nettbank vil det ikkje vere mogleg for verjer å stadfeste overføringar der det er sett krav om signering av to personar. Det tyder at overføringar krev samtykke frå den andre verja. Slike overføringar må gjennomførast og godkjennast ved oppmøte i banken. Alternativt kan verjer i fellesskap opprette ein ny avtale dersom ein aksepterer at éin av eller begge disponentane får lov til å godkjenne betalingar åleine. Ein slik avtale blir sett opp ved oppmøte i banken.

Du kan sperre kortet ditt som normalt via telefon til banken gjennom helga. Dersom du treng nytt kort, kan det bestillast i mobil- og nettbanken og blir sent ut etter oppgraderinga.

Det er avgrensa moglegheiter for å produsere kort i perioden 02.06 - 12.06. Dersom du sperrar kortet mellom 02.06. og 12.06, vil nytt kort bli sendt ut i veke 24. Normalt tek det då 3 til 5 arbeidsdagar før du har kortet i posten.