Automatisk eFaktura

Du får alle eFakturaer rett i nettbanken. Du må hugse å gå inn og godkjenne fakturaene før forfall. 

Du vil få varsel på e-post når du har ein ny eFaktura.

Når fakturaen er klar, får du varsling på e-post eller SMS, og han ligg klar i mobil- og nettbanken under «Betalingar» og «eFaktura».

Alle eFakturaer har ei lenkje til fakturagrunnlaget som du kan klikke på og opne for å sjå fakturaspesifikasjonane.

Fakturagrunnlaget opnar seg i eit nytt vindauge. Dersom du ikkje får opp dette vindauget, kan det kome av at du må fjerne såkalla pop-up-blokkering og mellombelse filer på datamaskina. Både pop-up-blokkering og mellombelse filer fjernar du som oftast i innstillingane til nettlesaren.

Når eFaktura-kravet er lagt til betaling, vil fakturagrunnlaget vere tilgjengeleg frå lista over krav i 16 månader frå forfallsdatoen på fakturaen. 

Du kan også laste ned og lagre eFakturaer på datamaskina di, slik at du har dei utover 16 månader.
Du finn eFaktura-arkivet under «Betaling» og «eFaktura».

I lista over eFaktura-krav klikkar du på dei tre prikkane ute til høgre og vel «Betal».
 
Betalingsbiletet blir då automatisk fylt ut med kontonummer, beløp, forfallsdato og betalingsinformasjon (KID).
Du vel sjølv kva for ein konto du vil belaste. Du kan også endre på beløp (til dømes på kredittkortfaktura) og dato dersom det er aktuelt (bør vere avklart med betalingsmottakaren).

Vel du å takke nei til automatisk eFaktura, vil du ikkje få nokon eFakturaer i nettbanken. Du må sjølv kontakte fakturautsendaren for å høyre kva for andre metodar dei tilbyr, og kva gebyr dei eventuelt tek for det. 

Alle avtalar du har om AvtaleGiro og eFaktura, vil halde fram om du har aktivert automatisk samtykke. Har du ikkje aktivert det, vil du få fakturagrunnlaget i posten. Avtalegiro vil halde fram som normalt. Det vil seie at du vil kunne få faktura med gebyr i tillegg til avtalegiro.

Husk at sjølv om du har AvtaleGiro og eFaktura på nokre avtalar, kan nye fakturaer kome som eFaktura. Du må derfor hugse å gå inn i nettbanken for å sjekke om du har nye fakturaer som ligg til godkjenning.